வாகனங்களில் ஏறாத வார்த்தைகள்
சிறு பிராயத்து
மிதி வண்டிபோல மூலையில்
சாய்ந்து கிடக்கிறது
பயன்படாத வார்த்தைகள்
கார்களும் அதிநவீன
விமானங்களும்
மொழிக்குள் வந்த பின்பும்
வாகனங்களில் ஏற்றமுடியாத
அனுபவங்கள்
மனதில் கனக்கின்றன.
இந்த மரத்தில் இருந்துதான்
அந்தப் பூ மலர முடியும்
அதோ
என் பிணத்தின் முன் நின்று
ஏதோ நினைத்து நகரும்
அவளிடம் இதுவரை
பேசாத வார்த்தைகளும்-
அனுபவங்களை
அள்ளி வராத வார்த்தைகளும்-
என்னோடு சேர்ந்து
மரணிப்பதைப் பொறுக்க முடியவில்லை.
No comments:
Post a Comment