ஒரு நத்தை தேடி
நீரில் மிதக்கும் இலைமீது
முன்பின் நகரும்
சிற்றெறும்பில் கவனம் குவிகிறது
மழையீர தாவர உடல்களின்
நடுவே
ஊர்ந்து மறைகிறது அரவம்
பாறைப்பிளவில்
மெத்தென்று காட்சியாகிறது
காளான் கூட்டம்
ஆகாயம் கடலில் கரைந்து
நட்சத்திர மீன்கள்
உப்பு நீரில் அலைகின்றன
போதி மரத்துக்கு வெளியே
மனிதம் தீண்டாத மறைபொருள்
நத்தையாகக்
கூடு ஒன்றில் ஒளிகிறது
No comments:
Post a Comment